TASWIRA: RAIS MAGUFULI ALIVYOWEKA JIWE LA MSINGI UJENZI HOSTEL ZA WANAFUNZI UDSM

Leo October 21 2016 Rais wa Jamhuri ya Muungano wa Tanzania Dkt. John Pombe Magufuli ameweka jiwe la msingi katika mradi wa ujenzi wa mabweni 20 ya wanafunzi wa Chuo Kikuu cha Dar es Salaam yenye uwezo wa kuchukua wanafunzi 3,840 ikiwa ni utekelezaji wa ahadi aliyoitoa Mwezi Juni mwaka huu wakati wa sherehe za uzinduzi wa ujenzi wa maktaba ya kisasa ya chuo hicho.

Wakati Rais Magufuli akiweka jiwe la msingi la mradi huo, tayari ujenzi umefikia asilimia 75 ambapo majengo 20 yaliyounganishwa kimuundo yamefikia ghorofa ya nne na ujenzi huo unaofanywa na Wakala wa Majengo Tanzania (TBA) unatarajiwa kukamilika ifikapo tarehe 30 Desemba, 2016.

Rais Magufuli ameahidi kuwa, kwa kuwa majengo hayo yanauwezo wa kubeba ghorofa sita, Serikali itafanya utaratibu wa kutumia moja ya likizo za wanafunzi kuongeza ghorofa nyingine mbili ili kuwawezesha wanafunzi wengi zaidi kupata nafasi.

Rais Magufuli akikata utepe kabla ya kuweka jiwe la msingi

Rais Magufuli na Makamu Mkuu wa Chuo Kikuu cha Dar es Salaam Profesa Rwekaza Mukandara

Mtendaji Mkuu wa Wakala wa Majengo Tanzania TBA Arch. Elius Mwakalinga akitoa ufafanuzi kwa Rais Magufuli kuhusu ujenzi wa Hosteli

PICHA ZOTE NA MAELEZO: MILLARDAYO.COM

Soma zaidi..

HALMASHAURI YA JIJI LA ARUSHA: UTARATIBU WA UTOAJI VIBALI VYA UJENZI

Kibali cha ujenzi ni  kibali kinachotokewa na mamlaka za Miji  ama Majiji chini ya sheria ndogo za Udhibiti wa ujenzi Mjini. Kibali hiki kinatolewa ili kumruhusu Mwananchi afanye ujenzi au ukarabati wa jengo mahali fulani  katika eneo la mji  husika.

Katika makala  ya leo, nakupitisha kwenye tataribu za kufuata ili kupata kibali cha ujenzi kwa kuangalia tataribu na kanuni za utoaji vibali hivyo kwa Halmashauri ya Jiji la Arusha.

Kabla ya hapo, kwanza tuangalie kwa pamoja umuhimu wa kupata kibali cha ujenzi.
1. Kutimiza matakwa ya sheria ndogo za Jiji
2. Kuwezesha kujenga majengo na nyumba kwa kuzingatia maelekezo ya mipango miji
3. Kudhibiti ujenzi holela na miji  isiyopangika

Kanuni za Utoaji wa Vibali vya Ujenzi na Hatua za Kufuata
Hatua hizi zinaanza baada ya kuwa umeshakamilisha michoro ya jengo lako
1. Kuwasilisha michoro iliyokamilika na kujaza fomu maalumu inayotolewa na Halmashauri, fomu ambayo inajumuisha maoni ya wataalamu wafuatao
a. Mkaguzi wa Majengo wa Jiji  (Building Inspector)
b. Afisa Ardhi wa Jiji (City Land Officer)
c. Mpima Ardhi wa Jiji (City Land Surveyor)
d. Afisa Mipango Miji  wa Jiji (City Town Planning Officer)
e. Afisa Afya wa Jiji (City Health and Sanitation Officer)

2. Ukishawasilisha michoro iliyokamilika pamoja na kujaza fomu niliyotaja hapo juu, fomu itaambatanishwa na michoro husika (architectural na structural drawings) na kupita  kwa wataalamu wote  niliotaja kwa ajili  ya uhakiki.

Wataalamu hao watapitia maombi yako na michoro na kujiridhisha yafuatayo.
a. Mkaguzi wa Majengo wa Jiji ataangalia kama michoro inakidhi haja ya kiufundi na masuala mengine ya kitaalamu
b. Afisa Ardhi wa Jiji ataangalia kuona kama umiliki wa eneo unalotaka kufanya ujenzi ni  halali na umiliki wake ni  sahihi
b. Mpima Ardhi wa Jiji atajiridhisha na mipaka halali ya eneo unalotaka kuendeleza
c. Afisa Mipango Miji  atajiridhisha kama ujenzi unaoombewa kibali ni  sahihi kwa mujibu wa michoro ya mipango  miji  kuendana na matumizi ya ardhi  ya eneo husika
d. Afisa Afya wa Jiji atajiridhisha kuona kama usafi kwa ujumla na mfumo wa maji taka umezingatiwa

3. Kama nyaraka za umiliki zimekidhi vigezo, zitawasilishwa kwenye Kamati ndogo ya Mipango Miji  na utoaji vibali 

4. Endapo muombaji utakuwa  umekamilisha hatua zote muhimu kwa wakati, kibali cha ujenzi kitapatikana ndani ya majuma mawili hadi  manne.

Kumbuka, michoro unayotakiwa kuwasilisha ni  ile ambayo imethibitishwa na wataalamu wabunifu wa michoro ya ujenzi ikiwa na mihuri halali, sambamba na kuwa na hati sahihi za umiliki wa eneo. Ukikamilisha haya zoezi linakuwa rahisi sana.

Makala ijayo tutaangalia ni  madhara na hatari gani inaweza kukukumba endapo utajenga au kukarabati jengo lako ndani ya Jiji la Arusha bila kibali toka Halmashauri ya Jiji.

Soma zaidi..

Mkutano Mkubwa Afrika wa Wataalamu wa Ujenzi Kufanyika Agosti 18&19 Dar es Saalam.. Jiandikishe Ushiriki!

.

Soma zaidi..

Madirisha ya Aluminium yenye pannel ndogo na muonekano mzuri

Dirisha la aluminiam kala ya kuondolewa "frame protectors"

Zoezi la kufitisha madirisha likiwa linaendelea

Tangu teknolojia ya matumizi ya bidhaa za aluminium na glasses yaingie nchini, kumekuwapo na muundo unaofanana wa madirisha ya nyumba yakiwa na sliding casement kubwa kidogo. Mara nyingi ni aidha vipande viwili au vitatu sambamba na ventlight kwa juu.

Leo nakusogezea ubunifu mwingine wa bidhaa hizi ambapo nakuunganisha na wataalamu kama picha  za kazi zao zinavyoonesha hapo juu.

Co:Purity Company
Style:box box
Price: per sq.m 130,000/=
Glass used : t.bronze

Mawasiliano: 0715 252162

Soma zaidi..

Matumizi ya Chuma badala ya Mbao kupaua nyumba. Soma hapa!

Katika kiondokana na adha ya uharibifu wa mazingira kwa kukata miti ili kupata mbao za kujengea, teknolojia mpya ya kupauwa nyumba kwa kutumia chuma chepesi imeingia sokoni!

Chuma hizi nyeepesi kabisa na imara, zinakuepusha na hofu ya mchwa na paa kushuka kwa kuharibika mapema. Uimara wake ni wa kiwango cha juu. Hakishiki kutu, ni chepesi, kinafungika kirahisi,  imara kwa  paa, na linahimili janga la moto. 

Kwa wanaohitaji chuma hiki wawasiliane na Mr. Quality East Africa Ltd kwa simu 0659781978

Endelea kutembelea blogu yako hii itakukutanisha na wataalamu mbalimbali na wabunifu wa bidhaa na mitindo ya ujenzi.

Soma zaidi..

Kutoka CRB: Makandarasi 4572 Wafutiwa Leseni Nchini

Bodi ya Usajili wa Makandarasi imefuta usajili wa jumla ya makandarasi 4572 kwa kushindwa kutimiza matakwa ya Sheria ya Usajili wa Makandarasi ya mwaka 1997.

Hayo yamebainishwa na Kaimu Msajili wa Bodi ya Usajili wa Makandarasi (CRB), Bw. Rhoben Nkhori wakati wa Mkutano wa Mashauriano wa CRB uliofanyika jijini Dar es Salaam na kufunguliwa na Mhe. Dkt. John Pombe Magufuli, Rais wa Jamhuri ya Muungano wa Tanzania.

Bw. Nkhori amesema kuwa katika jukumu la kuratibu mwenendo wa kazi za makandarasi, Bodi ilikagua miradi 2735. Katika miradi hiyo iliyokaguliwa, miradi 1873 sawa na asilimia 68.5 haikuwa na kasoro.

Ameongeza kuwa miradi mingine ilikuwa na kasoro za kutofanywa na makandarasi waliosajiliwa, kutozingatia usalama wa wafanyakazi, kutokuwa na bango wala uzio na miradi kutosajiliwa. Kwa mujibu wa Bw. Nkhori miradi yote iliyopatikana na upungufu wahusika walichukuliwa hatua mbali mbali kwa mujibu wa sheria.

Aidha, Bwana Nkhori amesema kuwa kwa mwaka jana, Bodi ilisajili miradi 3,172 yenye thamani ya shilingi trilioni4.23. Katika miradi hii asilimia 44.4 ilifanywa na Makandarasi wazawa na asilimia 55.6 ilifanywa na makandarasi wa kigeni.

Licha ya mafanikio hayo CRD ilikumbana changamoto kadhaa ikiwemo kuwasilisha nyaraka za kugushi wakati wa usajili hususani kadi za magari na mitambo, vyeti vya wataalam, kutumia majina ya makandarasi kwa udanganyifu kwa kuuza vibao, waendelezaji kutotoa taarifa sahihi za umiliki kwa Bodi na baadhi ya makandarasi kushindwa kuwalipa wafanyakazi na vifaa vya ujenzi.

Kwa upande wake Mwenyekiti wa Bodi ya Usajili wa Makandarasi, Bi Consolata Ngimbwa amemwomba Mhe. Rais John Pombe Magufuli kuwapa kipaumbele Makandarasi wa humu nchini ili kuwawezesha kiuchumi. “Mhe. Rais tunaomba utupe kipaumbele kwani sisi tukipata hiyo miradi tutawekeza hapa nchi na kuongeza soko la ajira,”alisema Bi Ngimbwa.

Katika hotuba yake ya ufunguzi, Mhe. Dkt. John Pombe Magufuli, Rais wa Jamhuri ya Muungano wa Tanzania amesema serikali yake itawapa kipaumbele makandarasi wazawa lakini akawataka wajipange na kufanya kazi kwa weledi na kuzingatia maadili ikiwemo kujiepusha na vitendo vya rushwa.

Mkutano huu pamoja na mamabo mengine utajadili jinsi ya kuwajengea uwezo makandarasi nchini. Kauli mbiu ya Mkutano huo ni “Juhudi za Makusudi za kukuza uwezo wa makandarasi wazawa, changamoto na mustakhabali.”

Soma zaidi..

'FLY OVER' SABA KUJENGWA DAR: PROF. MBARAWA

Waziri wa Ujenzi, Uchukuzi na Mawasiliano, Prof. Makame Mbarawa akifafanua jambo kwa waandishi wa habari (hawapo pichani), kuhusu mkakati wa kupunguza msongamano katikati ya jiji la Dar es salaam leo ofsini kwake. Kushoto kwake ni Katibu Mkuu wa wizara hiyo (sekta ya Ujenzi), Eng. Joseph Nyamhanga.

Meneja Mradi wa Daraja la Nyerere kutoka Mfuko wa Hifadhi ya Jamii (NSSF), Eng. Karim Mattaka, akitoa maelezo kwa Waziri wa Ujenzi, Uchukuzi na Mawasiliano, Prof. Makame Mbarawa (kushoto), wakati alipotembelea daraja hilo leo jijini Dar es salaam.

Waziri wa Ujenzi, Uchukuzi na Mawasiliano, Prof. Makame Mbarawa (kulia), akitoka kukagua moja ya Ofisi zilizopo katika daraja la Nyerere. Kushoto ni Msimamizi wa daraja hilo kutoka NSSF Gerald Sondo.

Waziri wa Ujenzi, Uchukuzi na Mawasiliano, Prof. Makame Mbarawa (kulia), akipata maelezo kutoka kwa Msimamizi wa daraja la Nyerere kutoka NSSF Gerald Sondo (kushoto)kuhusu mfumo wa tozo za magari darajani hapo.

Waziri wa Ujenzi, Uchukuzi na Mawasiliano, Prof. Makame Mbarawa (kulia), akipata maelezo ya ujenzi wa bomba la kupima mafuta (flow meter) kutoka kwa Fundi mitambo wa Mamlaka ya Bandari Tanzania (TPA), Simon Dottto (kushoto).

Waziri wa Ujenzi, Uchukuzi na Mawasiliano, Prof. Makame Mbarawa akitoa maelekezo kwa mafundi mitambo wanaojenga bomba la kupima mafuta (flow meter) kutoka Mamlaka ya Bandari Tanzania (TPA).

Waziri wa Ujenzi, Uchukuzi na Mawasiliano, Prof. Makame Mbarawa (kushoto), akisikiliza maoni kutoka kwa wakazi wa Kigamboni wakati wakisubiri kivuko cha MV Kigamboni.

Waziri wa Ujenzi, Uchukuzi na Mawasiliano, Prof. Makame Mbarawa (mwenye shati jeupe), akiwa pamoja na wasafiri wanaoutumia kivuko cha MV Kigamboni leo jijini Dar es salaam.

Wizara ya Ujenzi, Uchukuzi na Mawasiliano imeanza mazungumzo na Kampuni ya MABE BRIDGE ya Uingereza kwa ajili ya kujenga barabara za juu (fly over) saba katikati ya jiji la Dar es Salaam ili kupunguza msongamano wa magari.

Waziri wa Ujenzi, Uchukuzi na Mawasiliano Profesa Makame Mbarawa, amesema mazungumzo kuhusu ujenzi huo yako katika hatua nzuri na kwa kuanzia zitajengwa fly over nne za watembea kwa miguu na tatu za magari.

Amesema Fly over hizo zitazojengwa zitatumia miezi mitatu hadi sita kukamilika kwakwe na zitagharamiwa na fedha za ndani za Serikali ambapo ujenzi wake unatarajiwa kuanza Desemba mwaka huu.

“Wataalamu wanaendelea kubaini maeneo yatakayojengwa fly over hizo ikiwemo eneo la Mwenge ambalo tayari wataalamu wamekubali kujenga fly over moja ya magari”, amesema Prof. Mbarawa.

Hatua hiyo ni mkakati wa Serikali kupunguza msongamano wa magari jijini Dar es Salaam unaogharimu fedha nyingi kutokana na watu kupoteza muda mwingi barabarani.

Katika hatua nyingine Waziri Prof. Mbarawa amekagua maendeleo ya utoaji huduma katika Daraja la Nyerere na kuagiza vitengenezwe vitambulisho vya msimu vitakavyowawezesha watumiaji wa daraja kulipa tozo kwa miezi sita au mwaka ili kupunguza msongamano wa kulipa kila siku.

“Hakikisheni mnatengeneza na kuuza kadi za kuvukia katika daraja sehemu mbalimbali ili kuwawezesha watumiaji kupata huduma hiyo kabla ya kufika darajani”, amesema Prof. Mbarawa.

Aidha amemtaka Mtendaji Mkuu wa Daraja la Nyerere Bw. Gerald Sondo kuhakikisha tozo zinakusanywa inavyostahili na kupanga njia maalumu za kupita magari makubwa na madogo ili kuwezesha huduma ya kupita darajani iwe ya haraka.

“Magari yote yanayopita katika daraja hili yakiwemo ya Serikali ni lazima yalipe tozo inayostahili isipokuwa yale yenye vibali maalumu yakiwemo ya Jeshi la Wananchi, Zimamoto, Polisi, na yanayobeba wagonjwa (Ambulance)”, amesisitiza Waziri Prof. Mbarawa.

Waziri Mbarawa amesisitiza umuhimu wa wananchi kutunza na kulilinda Daraja hilo ili lidumu kwa muda mrefu na kusisitiza adhabu kali kwa wataohujumu miundombinu yake.

Naye Mtendaji Mkuu wa Daraja la Nyerere Bw. Gerald Sondo amemueleza Waziri Mbarawa kuwa chanagamoto zinazowakabili kwa sasa ni kubaini magari yenye vibali maalumu, malalamiko ya magari ya abiria (daladala), uelewa mdogo wa matumizi ya daraja na mazoea ya kupita bila ya kulipa tozo.

Zaidi ya magari elfu nane hadi elfu kumi na tatu hupita katika daraja hilo kwa siku huku watembea kwa miguu, baiskeli wakipita bila kulipa tozo.

Soma zaidi..

MKUTANO WA CRB 2016: RAIS MAGUFULI AHIMIZA WAZAWA KUCHANGAMKIA FURSA UJENZI BOMBA LA MAFUTA KWENDA UGANDA

Rais wa Jamhuri ya Muungano wa Tanzania amefungua mkutano wa mashauriano wa Bodi ya Usajili wa wakandarasi (CRB) kwa mwaka 2016 unaofanyika kwa siku mbili katika ukumbi wa Diamond Jubilee Jijini Dar es salaam na kutoa wito kwa wakandarasi hao kujipanga ipasavyo ili waweze kupata zabuni katika utekelezaji wa miradi mikubwa ya ujenzi itakayofanywa hapa nchini ikiwemo ujenzi wa bomba la mafuta la kutoka Hoima nchini Uganda hadi Bandari ya Tanga hapa Tanzania, Ujenzi wa Reli ya Kati na Ujenzi wa Viwanda. Tukio hilo limefanyika leo Alhamisi ya Mei 26, 2016.

Kwa mujibu wa mtandao wa MillardAyo.com Rais Magufuli amenukuliwa akieleza hivi ”Sina uhakika kwamba mmejipangaje wakandarasi wa Tanzania katika kuhakikisha hiyo kazi mnaipata ya kujenga bomba kutoka Hoima nchini Uganda hadi Tanga ..... Nitasikitika sana kilometa zote 1,410 pasiwepo mkandarasi hata mmoja wa kutoka Tanzania, wenzetu wanajipanga, na ninavyoona wakandarasi wa Tanzania wameendelea sana, lakini nashindwa kuelewa kuna tatizo gani linatufanya kutojua changamoto zinazotukabili.... tumejipanga kujenga reli ya kati (Standard Gauge) kwenye bajeti ya mwaka huu tunaanza na kilometa 100, lakini kuna fedha nyingine zitatolewa na serikali ya China, tutajenga zaidi ya kilometa 1,200 itakayounganisha Mwanza, Kigoma, Burundi na Rwanda. Wakandarasi wa Tanzania mmejipangaje?'' 

.Rais Magufuli akihutubia wakandarasi.

.

Rais Magufuli na Waziri Mbarawa wakifanya ukaguzi wa baadhi ya mitambo na magari mbalimbali katika maonesho ya vifaa hivyo vinavyotumika katika sekta ya ujenzi.

.

Rais Magufuli akiangalia vifaa vya ujenzi katika moja ya mabanda mara baada ya kufungua mkutano

Wadau mbalimbali wa Sekta ya Ujenzi wakiwemo Wahandisi na Wakandarasi

PICHA ZOTE NA MILLARDAYO.COM.

Soma zaidi..

Cement mpya maalum kwa uashi "Tembo Fundi" yaingia sokoni

Mfano wa sebule na eneo la jiko vilivyonakshiwa vizuri. Picha na mtandao

Kampuni ya sarujli ya Lafarge Tanzania imezindua simenti maalumu iliyopewa jina la  Tembo Fundi  ambayo ni  kwa ajili ya kazi za uashi ikiwa ni pamoja na upigaji plasta ukutani, kusakafia, kujengea matofali, na kupangilia marumaru.

Kwa mujibu wa Mtendaji Mkuu wa kampuni hiyo, Ilse Boshoff, simenti hii imetengenezwa maalumu kuwezesha shughuli za ujenzi kuwa bora zaidi.

Tembo Fundi  imetengeneza kuwa rahisi kuitumia katika kupiga plasta, tofauti na saruji ya matumizi ya jumla ambayo itamchukua mwashi muda mrefu katika kusawazisha ukuta, huku ikitumia maji kidogo na kuwa na ubora mzuri.


Mfano wa nyumba iliyopigwa plasta kwa simenti ya kawaida/ya jumla

Soma zaidi..

A simple 3 bedrooms residential house 3D model

Muonekano wa mbele

Mounekano wa upande wa ubavuni kulia

Muonekano wa nyuma na baraza ya jikoni/uwani

Upande wa ubavuni kushoto

Soma zaidi..

Mfano wa ubunifu wa jengo la makazi hatua za awali..

Picha hizi zinaonesha mfano wa muonekano wa nje (in 3D view) wa jengo la makazi lililobuniwa kabla ya kujengwa.

Wataalamu wa ubunifu majengo (Architects) hubuni muundo wa jengo mfano kama huu na kisha kusimamia ujenzi wake ili kupata jengo halisi kama lilivyobuniwa.

Katika muonekano wa picha hizi, bado umaridadi wa nje na mazingira na muonekano halisi wa jinsi jengo litakavyokuwa haujakamilika. Lakini mpaka hatua hii tayari unaweza kuwa na michoro (floor plan) na kufanya ujenzi. Hapa bado kuna  hatua zaidi mchoro unapitishwa kwenye program maalumu na kuongeza uhalisia.

Kwa mahitaji binasi ya huduma za ushauri na ubunifu wa jengo lako unalowazia, pamoja na  makadirio ya gharama zake  unaweza kuwasiliana nasi.

Karibu!

SeriaJr

Soma zaidi..

Sampuli mbili tofauti za "Paving Blocks" na gharama zake

Aina ya kwanza, umbo duara.. Rangi  tofauti

Aina ya pili umbo mraba uliobonyea pande zote

Picha hii inaonesha sampuli mbili zimechanganywa pamoja kupata aina moja ya madoido
******

Kuna aina na muundo tofauti tofauti wa vitofali vya kusakafia mandhari ya nje au eneo la maegesho ya gari au njia ya kupita kuelekea kwenye jengo lako, aidha la kuishi, karakana au kuhifadhia bidhaa. Na hata bustanini.

Mpangilio wa vitofali hivyo huweza kuleta unaridadi mwingine tofauti. Picha hizi zinaonesha aina mbili za muundo wa vitofali hivyo ambavyo ukivichanganya pamoja unapata umaridadi fulani.

Kwa mkazi wa Dar es Salaam hasa maeneo ya Kinondoni na Kibamba nimekusogezea mdau anayezalisha hizi bidhaa.

Kwa wenye uhitaji wa "paving blocks" katika umaridadi tofauti, bei ya soko ni sh 15,000 hadi 18,000 kwa eneo la "square metre" moja zinaingia vipande 50.

Wasiliana na mdau huyu kwa nambari 0786808707!

Soma zaidi..

Mhandisi ni nani hasa kwenye ujenzi? Ipi tofauti ya Mhandisi na Mkandarasi!?

Ubunifu wa nondo na mpangilio wake, ubora wa zege na aina ya msingi wa jengo ni moja kati ya kazi wa mhandisi. Picha hii inaonesha sehemu ya msingi wa nyummba ya ghorofa moja

Kumekuwapo na mkanganyiko miongoni mwetu kuhusiana na wataalamu wa ujenzi wajuikanao kama wahandisi (Engineers) na wanataaluma wengine na hasa mkandarasi. Wapo wataalamu wengi wa ujenzi lakini kuna makosa yanafanyika na kuwafananisha watu wote kama wahandisi.
Wahandisi/(Civil and Structural Engineers)
Kawaida katika taratibu za ukamilifu wa mradi wa ujenzi kuanzia hatua ya awali kabisa, baada ya Mbunifu majengo kumaliza kazi ya kuandaa michoro yake mhadisi ndiye mtaalamu wa pili kuweka utaalamu wake.

Mara nyingi kumekuwapo na mchanganyo wa uhandisi na ukandarasi. Kuweka hili sawa kupitia blogu hii, ifahamike kuwa mhandisi ni mtaalamu mbunifu wa uimara wa jengo na mkandarasi ni mjenzi wa jengo akifanyika kazi vilivyobuniwa na wahandisi na wabunifu majengo.

Mkandarasi anaweza kuwa aidha mtu binafsi au kampuni iliyosajiliwa kufanya kazi ya ujenzi kwa kiwango fulani.


Sasa huyu anayejulikana kama Structural Engineer ndiye Mhandisi hasa na huwajibika kwa uhandisi wa ubora na uimara wa jengo kwa kufanya mahesabu ya uimara (strength), uzito, nguvu na namna vitakavyokabiliana bila kuleta madhara kwenye jengo linalotarajiwa kujengwa.

Moja ya kazi za kinadisi kwenye nyumba ya kawaida

Ni jukumu la mhandisi huyu kuandaa michoro ya uimara wa jengo kwa maana ya namna nondo na zege na hata vyuma vingine vitakavyokuwa na ukubwa wake kwa maeneo kama nguzo (column), msingi (foundation) bimu (beams), kuta, ngazi za ghorofa na slabu (slabs) kwa upande wa majumba. Halikadhalika huandaa michoro kwa ajili ya madaraja, nguzo kubwa, mabwawa n.k. 


Wakati wa ujenzi anakagua pia ubora wa bidhaa (materials) zinazotumika na namna nondo na zege zinavyotengenezwa kama vinafikia ubora unaotakiwa kama alivyobuni kimahesabu.

Inapotokea jengo limeanguka kwasababu zisizotokana na nguvu za asili kama mtetemeko ya ardhi na milipuko ya bomu kwa mfano, mhandisi ndiye hupewa majukumu ya kuchunguza sababu za kihandisi zilizopelekea hitilafu iliyosabababisha jengo kuanguka kama iivyotokea maeneo ya Kisutu Jijini Dar es Salaam miaka michache iliyopita. 

Soma zaidi..

RAIS MAGUFULI AFUNGUA DARAJA LA KIGAMBONI RASMI, LIMEGHARIMU SH BIL 214.6

 Rais wa Jamhuri ya Muungano wa Tanzania Dkt John Pombe Joseph Magufuli akikata utepe huku viongozi wengine wakiushikilia kuashiria uzinduzi rasmi wa Daraja la Kigamboni katika wilaya mpya ya Kigamboni jijini Dar es salaam leo Aprili 19, 2016. 

 Rais wa Jamhuri ya Muungano wa Tanzania Dkt John Pombe Joseph Magufuli akipata picha ya kumbukumbu viongozi wengine baada ya  uzinduzi rasmi wa Daraja la Kigamboni katika wilaya mpya ya Kigamboni jijini Dar es salaam leo Aprili 19, 2016.

 Rais wa Jamhuri ya Muungano wa Tanzania Dkt John Pombe Joseph Magufuli akiteta jambo na aliyekuwa Mkurugenzi Mkuu wa NSSF Dkt Ramadhani Dau wakati wa  uzinduzi rasmi wa Daraja la Kigamboni katika wilaya mpya ya Kigamboni jijini Dar es salaam leo Aprili 19, 2016.

 Rais wa Jamhuri ya Muungano wa Tanzania Dkt John Pombe Joseph Magufuli na viongozi wengine wakitembea juu ya Daraja la Kigamboni baada ya kulizindua katika wilaya mpya ya Kigamboni jijini Dar es salaam leo Aprili 19, 2016.PICHA NA IKULU

Soma zaidi..

RAIS MAGUFULI AFUNGUA RASMI MRADI WA UJENZI WA BARABARA YA JUU (FLAI OVA) ENEO LA TAZARA

Rais wa Jamhuri ya Muungano wa Tanzania akikata utepe kuashiria ufunguzi rasmi na kuanza kwa ujenzi  wa mradi wa barabara ya juu Tazara Jijini Dar es Salaam. 

 Rais wa Jamhuri ya Muungano wa Tanzania akifungua  jiwe la msingi kwa ajili ya ujenzi wa mradi wa barabara ya juu Tazara Jijini Dar es Salaam.

Rais wa Jamhuri ya Muungano wa Tanzania akifungua ramani ya mradi wa barabara ya juu eneo la Tazara kuashiria ufunguzi rasmi na kuanza kwa ujenzi  wa mradi huo Tazara Jijini Dar es Salaam.

 Rais wa Jamhuri ya Muungano wa Tanzania akipokea maelekezo kuhusu mradi wa barabara za juu eneo la Tazara kutoka kwa Mkurugenzi Mkuu wakala wa barabara (TANROADS) Mhandisi Patrick Mfugale katika ufunguzi rasmi wa mradi huo Jijini Dar es Salaam.

 Rais wa Jamhuri ya Muungano wa Tanzania akiwa katika picha ya pamoja na viongozi mbalimbaliwa kitaifa na kimataifa wakati wa ufunguzi rasmi na kuanz akwa ujenzi  wa mradi wa barabara ya juu Tazara Jijini Dar es Salaam. 

  Rais wa Jamhuri ya Muungano wa Tanzania Dkt. John Pombe Joseph Magufuli akihutubia katika hafla ya kuweka jiwe la msingi kwa ajili ya mradi wa ujenzi wa barabara ya juu kwenye makutano ya barabara za Mandela na Nyerere maeneo ya Tazara Jijini Dar es Salaam.

Rais wa Jamhuri ya Muungano wa Tanzania Dkt. John Pombe Magufuli ameweka jiwe la msingi la mradi wa ujenzi wa barabara ya juu (Flyover) katika makutano ya barabara ya Nyerere na Mandela, eneo la Tazara Jijini Dar es salaam ambayo inatarajiwa kukamilika ifikapo Oktoba 2018.

Sherehe ya uzinduzi wa mradi huo imefanyika kando ya eneo la makutano ya barabara ya Nyerere na Mandela Jijini Dar es salaam, ambapo pamoja na Rais Magufuli aliyeongozana na Mkewe Mama Janeth Magufuli, imehudhuriwa na viongozi mbalimbali wakiwemo Mawaziri, Wabunge, Mameya wa Jiji la Dar es salaam na Balozi wa Japan hapa nchini Mheshimiwa Masaharu Yoshida.

Barabara hiyo ya juu itakuwa ya kwanza kujengwa hapa nchini na ujenzi wake umepangwa kugharimu takribani shilingi Bilioni 100 ambapo kati ya fedha hizo shilingi Bilioni 93.44 zitatolewa na Japan kupitia Shirika lake la Ushirikiano wa Kimataifa (JICA), na Serikali ya Tanzania itatoa shilingi Bilioni 8.3.

Barabara ya juu itakayojengwa itakuwa na njia nne na urefu wa mita 300 kutokea maeneo ya katikati ya Jiji la Dar es salaam kuelekea uwanja wa ndege wa Kimataifa wa Julius Nyerere, na inatarajiwa kupunguza kero ya msongamano wa magari yaendayo na yatokayo Uwanja wa ndege na Bandari ya Dar es salaam.

Akizungumza kabla ya kuweka jiwe la msingi la mradi huo, Rais Dkt. John Pombe Magufuli amesema barabara hiyo inajengwa ikiwa ni utekelezaji wa ahadi ya serikali yake ya kumaliza tatizo la msongamano wa magari Jijini Dar es salaam, ambao kwa mwaka 2013 pekee utafiti umeonesha ulisababisha upotevu wa shilingi Bilioni 411.55

Rais Magufuli amebainisha juhudi nyingine za kukabiliana na msongamano wa magari Jijini Dar es salaam kuwa ni pamoja na kujenga barabara  ya njia sita ya Dar es salaam hadi Chalinze ambayo itakuwa na Flyover tano, ujenzi wa barabara nyingine za juu katika makutano ya barabara za Nelson Mandela, Morogoro na Sam Nojuma eneo la Ubungo na ujenzi wa daraja jipya la Salander lenye urefu wa kilometa 6.23 kuanzia Coco Beach hadi hospitali ya Agha Khan.

Juhudi nyingine ni ujenzi wa awamu ya pili wa miundombinu ya mabasi yaendayo haraka katika barabara za Kilwa, Chang'ombe na Kawawa, na ujenzi wa awamu ya tatu wa miundombinu ya mabasi yaendayo haraka katika barabara za Nyerere - Gongo la Mboto na Uhuru - Azikiwe.

Aidha, Rais Magufuli amezungumzia awamu ya kwanza ya mradi wa mabasi yaendayo haraka, kuwa serikali yake imelazimika kusimamisha kuanza kwa huduma hiyo baada ya kubaini dosari katika mkataba wa mradi ambazo zingesababisha serikali kupoteza fedha nyingi na wananchi kutwishwa mzigo mzito wa viwango vikubwa vya nauli, na amewahakikishia wananchi wa Dar es salaam kuwa mabasi hayo yataanza kutoa huduma hivi karibuni baada ya kurekebisha kasoro zilizobainika.

Dkt. Magufuli pia amezungumzia usafi wa Jiji la Dar es salaam kwa kuwataka viongozi wa Manispaa zote za Jiji, kuhakikisha wanatafuta namna ya kudhibiti utupaji hovyo wa takataka ikiwemo kutoza faini kubwa kwa watakaokamatwa wakitupa takataka hovyo.

Gerson Msigwa

Kaimu Mkurugenzi wa Mawasiliano, IKULU

Dar es salaam

16 Aprili, 2016

Soma zaidi..